രാഹുല് മാങ്കൂട്ടത്തില് നിരപരാധി, കോണ്ഗ്രസ് അവനെ അവിശ്വസിക്കുന്നില്ല': കെ സുധാകരന്
- Nov 25, 2025
- 1 min read
'കോഴിക്കോട്: ലൈംഗിക ആരോപണം നേരിടുന്ന രാഹുല് മാങ്കൂട്ടത്തിൽ എംഎൽഎക്ക് പിന്തുണയുമായി കെ സുധാകരന് എം പി. രാഹുല് മാങ്കൂട്ടത്തില് നിരപരാധിയാണെന്ന് സുധാകരന് പറഞ്ഞു. രാഹുല് കോണ്ഗ്രസില് സജീവമാകണം. 'ഞാന് ആ വിഷയത്തെ പറ്റി അന്വേഷിച്ചു. കോണ്ഗ്രസ് അവനെ അവിശ്വസിക്കുന്നില്ല. രാഹുലുമായി വേദി പങ്കിടാന് മടിയില്ല. പുതിയ ശബ്ദരേഖ താന് കേട്ടിട്ടില്ല'- സുധാകരന് പറഞ്ഞു.
'വെറുതെ അദ്ദേഹത്തെ അപമാനിക്കാന് സിപിഎമ്മും ബിജെപിയും നടത്തുന്ന ശ്രമമാണ് ഇതിന് പിന്നില്. തീര്ത്തും നിരപരാധിയാണ്. ഞാനതൊക്കെ അന്വേഷിക്കുന്നുണ്ട്. അന്വേഷിച്ചത് രണ്ട് ചീത്ത പറയാന് വേണ്ടിയാണ്. പക്ഷെ മറുപടിയെല്ലാം കേട്ടപ്പോള് എനിക്ക് തോന്നി ഐ വാസ് റോങ്. ഞാനവനെ വിളിച്ച് സംസാരിച്ചു. നമുക്ക് അവനെക്കുറിച്ച് തര്ക്കങ്ങളൊന്നുമില്ല. അവന്റെ പാര്ട്ടി കോണ്ഗ്രസാണ്. കോണ്ഗ്രസ് അവനെ അവിശ്വസിക്കുന്നില്ല. ആര് പറഞ്ഞാലും നമുക്കത് പ്രശ്നമല്ല. രാഹുല് സജീവമായി രംഗത്തുവരണം. കഴിവും പ്രാപ്തിയുമുള്ള നേതാവാണ്.
Comments